Երկրի ժամանակակից մթնոլորտի ձևավորման գործում մեծ դեր է վերապահված սնկերին։ Ֆոտոսինթետիկ օրգանիզմները լցրել են այն թթվածնով և հեռացրել ածխաթթու գազը։ Դրանից միլիարդավոր տարիներ առաջ ամեն ինչ այլ է եղել։ Երիտասարդ մոլորակի մթնոլորտը եղել է մեզ համար թունավոր, ածխաթթու գազով, մեթանով և ջրածնի սուլֆիդով լցված։ Օդում բավարար թթվածին սկսել է կուտակվել ցամաքային բույսերի ի հայտ գալուց հետո՝ 500-400 մլն տարի առաջ։
Սակայն առաջին բույսերի համար աղերով հոգեցած հող չի եղել։ Դրանք չեն կարողացել նույնիսկ սովորական ֆոսֆոր ստանալ, որն անհրաժեշտ է ֆոտոսինթեզի համար։
Լինսդի համալսարանի գիտնական Բենջամին Միլսի խոսքով՝ ցամաքային բույսերի ֆոտոսինթեզը ստեղծում է Երկրի ողջ թթվածնի մոտ կեսը։
Հոդվածում, որը հրապարակվել է Philosophical Transactions ամսագրում, Միլսն ու նրա գործընկերներն առաջ են քաշում ենթադրություն այն մասին, որ առաջին բույսերը կարող էին յուրացնել ցամաքը միայն սնկերի հետ համակեցությամբ։
Տալով սնկերին իրենց սինթեզած օրգանական նյութի մի մասը՝ բույսերը փոխարենը ստացել են հանքանյութեր, որոնք շատ սնկեր ունակ են արձակել։
Հետազոտությունը ցույց է տվել, որ բույսերի և սնկերի միջև ածխածնի և հանքանյութերի ակտիվ փոխանակությունը էականորեն ազդել է ողջ մոլորակի կլիմայի վրա՝ ածխաթթու գազի կլանման և թթվածնի արձակման ինտենսիվության փոփոխման հաշվին։
