Հայաստանի ֆուտբոլի ֆեդերացիայի նախագահ Ռուբեն Հայրապետյանն այսօր լրագրողների հետ հանդիպմանը անդրադարձավ Յուրի Վարդանյանի որդու կալանավորմանը: Նա նշեց, որ բոլորիս հետ կարող էր նման բան տեղի ունենալ: Տղան չափահաս է, և Յուրի Վարդանյանը պատասխանատու չէ կատարվածի համար:
«Ի վերջո, դուք ինքներդ էլ հայրենասեր եք, մի՛ փորձեք միանգամից ցեխ շպրտել, փորձեք օգնել նրան»,- ասաց Ռուբեն Հայրապետյանը: Նա խնդրեց, որ այսպիսի հարցերը չշահարկվեն, չփորձեն քաղաքական դիվիդենտներ շահել: Ապա նշեց, որ Յուրի Վարդանյանը սպորտի մարդ է, փայլուն տիրապետում է իր գործին, փորձում է սպորտը ճահճից հանել, շատ օգուտ է տալիս սպորտին, սպորտսմեններին չպետք է երբևէ քաղաքականացնել:
Լուսանկարը՝ PanARMENIAN Photo-ի