«Առաջին լրատվական»-ի զրուցակիցն է «Երկիր Ծիրանի» կուսակցության նախագահ Զարուհի Փոստանջյանը։
–Տիկին Փոստանջյան, ի՞նչ առաքելությամբ էիք մեկնել ԱՄՆ, այնուհետև Մոսկվա և վերադարձաք:
-Առաքելությունը հետևյալն է՝ կազմակերպել սփյուռքահայությանը, որպեսզի նրանք մասնակցեն Հայաստանի քաղաքական կյանքին, պետք է վերականգնվի նրանց ըտրելու և ընտրվելու իրավունքը: Չունենք հստակ վիճակագրություն, թե քանի ՀՀ քաղաքացի է ապրում Հայաստանի սահմաններից դուրս: 1.5 մլն հայեր, ովքեր գաղթեցին քառորդ դար անկախության ընթացքում, նրանց թիվը միլիոններ է կազմում, նրանք ահազանգում են, որ այլևս չեն ցանկանում անմանս մնալ ՀՀ քաղաքական կյանքից, բացի այդ, դրան գումարվել է այն, որ մեր հայրենակիցները մեծ ցանկություն ունեն մասնակցեն քաղաքական գործընթացներին, միայն զբոսաշրջիկ լինելով, չեն կարող օգտակար լինել Հայաստանին:
–Տիկին Փոստանջյան, Հայաստանում բազմաթիվ պաշտոններ կան, որոնք ընտրությամբ չեն, օրինակ, գործադիրում հնարավորություններ կան, որպեսզի գիտելիք ունեցող մարդիկ իրացվեն: Կարծում եք՝ Սփյուռքը ունի՞ իրապես ցանկություն մասնակցելու ՀՀ քաղաքական կյանքին և որակական փոփոխություններ բերի:
-Մենք վերականգնեցինք մեր քաղաքական մանդատը մեր պատմական հայրենիքում: Բայց մենք լիարժեք չվերականգնեցինք մեր ազգի քաղաքական մանդատի կարևոր բաղադրիչը՝ քաղաքականության մեջ իրենց մասնակցությունը: Ցեղասպանությունից հետո հայրենիքը լքած մեր հայրենակիցները չեն կարողանում այդ քաղաքական մանդատը բանեցնել, այն իրենց է պատկանում, բայց նրանց զրկեցին հենց անկախության առաջին տարիներին: Մենք այսօր բազմամշակութային հայ ազգ ենք, բթացվել է մեր քաղաքական հնարավորությունները: Արգելքները այստեղ են՝ Հայաստանում:
–Ի՞նչ միջոցներով եք պայքարելու, որպեսզի մեր հայրենակիցները և երկքաղաքացիները ընտրելու և ընտրվելու իրավունք ունենան:
-ԱՄՆ այցի նպատակը այն էր, որ քարոզարշավի միջոցով իրազեկենք մեր հայրենակիցներին: ՀՀ քաղաքացիներով հնարավոր չէ ձևավորել քաղաքական մրցունակ վերնախավ: Սա փաստում է այսօրվա իրողությունը, այն հայտարարությունները, որ անում է ՀՀԿ-ն, զավեշտալի է, և իրենք չեն կարող մրցունակ դարձնել Հայաստան պետությունը: Մեր քաղաքական մրցունակ վերնախավը պետք է ձևավորվի սփյուռքահայերի մասնակցությամբ: Հայաստանում այդ փոփոխությունների ներուժը ցամաքել է:
Հարցազրույցն ամբողջությամբ՝ տեսանյութում։