Թուրքիայի խորհրդարանի 19 անդամ քրդամետ Ժողովուրդների դեմոկրատական կուսակցությունից (HDP) կարող են զրկվել պատգամավորական անձեռնմխելիությունից: Այս մասին հայտնում է Trend-ը՝ հղում անելով թուրքական ԶԼՄ-ներին:
Հաղորդվում է, որ այսօր Անկարայի դատախազությունը դիմել է արդարադատության նախարարություն՝ պահանջելով վերացնել HDP-ի մի շարք պատգամավորների անձեռնմխելիությունը:
Դատախազության այս որոշումը կապված է HDP-ի պատգամավորների հայտարարությունների հետ՝ հաջակցություն PKK (Քրդստանի աշխատավորական կուսակցություն):
Վերջերս Թուրքիայում ձերբակալվել է HDP-ի 11 պատգամավոր, այդ թվում՝ կուսակցության համանախագահներ Սելաեդդին Դեմիրթաշը և Ֆիգեն Յուքսեքդագը:
HDP-ի պատգամավորները մեղադրվում են հանցավոր կազմակերպություն ստեղծելու, ահաբեկչական կազմակերպությանն անդամակցության և Թուրքիայի Քրեական օրենսգրքի այլ հոդվածներով:
