Նյու Յորքում հունիսի 7-ին հրապարակվել է Ադոլֆ Հիտլերի մի նամակը, որում, կարծում են, նա առաջին անգամ խոսում է հրեաներին ոչնչացնելու իր ծրագրերի մասին: Այս մասին հաղորդում է Associated Press գործակալությունը:
Հիտլերն այդ նամակը տպագրական մեքենայով հավաքել է 1919 թ. և տակը ստորագրել: Այն ժամանակ նա ծառայել է գերմանական բանակի քարոզչության բաժնում: Նամակը հասցեագրված էր նրա վերադաս Ադոլֆ Գեմլիքին:
Նամակում Հիտլերը խոսում է ուժեղ կառավարության ստեղծման անհրաժեշտության մասին, որը կարող է հեռացնել այն «վտանգը», որ գալիս է հրեաներից, և դա պետք է անել նրանց իրավունքների սահմանափակմամբ: Նա առաջարկում էր օրենք ստեղծել օտարերկրացիների մասին, որի վերջնական նպատակն էր հրեաներին Գերմանիայից արտաքսելը:
Նամակի իսկությունը հաստատվել է 1988 թ. մի մասնագետի կողմից, որը ժամանակին կեղծիք էր անվանել այսպես կոչված «Հիտլերի օրագրերը»: Այս ժամանակը վերջերս գնվել էր 150 հազար դոլարով րաբբի Մարվին Հիրոմի կողմից: Նամակը շուտով կդառնա հանդուրժողականության թանգարանի ցուցադրության մի մասը, որը գտնվում է Լոս Անջելեսում:
