«Առաջին լրատվական»-ը թուրքագետ, ԵՊՀ արևելագիտության ֆակուլտետի դեկան Ռուբեն Մելքոնյանի հետ զրուցել է Պոլսո պատրիարքի ընտրությունների շուրջ ստեղծված թնջուկի մասին:
Այս օրերին «Սուրբ Փրկիչ եկեղեցու հիմնադրամ»-ի նախագահ Պետրոս Շիրիօղլուն հանդիպումներ է ունենում փոխվարչապետի, նախագահի օգնականի հետ, այդ հանդիպումներում ձեռք բերված պայմանավորվածությունների մասին սակայն չի հանրայնացնում: Ռուբեն Մելքոնյանը, անդրադառնալով այդ հանդիպումներին, նկատում է, որ Պետրոս Շիրինօղլուն որպես համայնքային մեծ կառույցի ղեկավար, դե ֆակտո իրականացնում է նաև իր վրա չդրված որոշ լիազորություններ՝ ապահովելով կապը Անկարայի իշխանությունների հետ. «Ցավոք սրտի, այդ ապահովումը ամենևին չի նշանակում, որ նա առաջնորդվում է համայնքի կամ եկեղեցու շահերով, ավելի շատ կարող ենք ասել, որ նա փորձում է թուրքական իշխանությունների համար ցանկալի սցենարները պրոյեկտել համայնքում և ստանլ արդյունք, որը կգոհացներ թուրքական իշխանություններին: Նրա միջամտությունը ավելի շատ վատ բանի նախանշան է, քան թե հույս, որ ամեն ինչ կարող է շատ լավ ավարտվել: Թուրքական իշխանությունները չեն շփվում այն օրինական մարմինների հետ, որոնք պատասխանատու են համայնքի, եկեղեցու, ընտրությունների համար: Այսինքն՝ չեն ընդունում ընտրված տեղապահին, անգամ նրա հետ հանդիպումները մերժում են: Պետրոս Շիրինօղլուի միջամտությունները համայնքում նույնպես մտահոգություններ են առաջացրել, քանի որ նրա գծած սցենարով ընտրայլ տեղապահը մեկուսացվում է»,- ասաց Ռուբեն Մելքոնյանը:
Նա նշեց, որ իր քայլերով Պետրոս Շիրինօղլուն ոտնահարում է եկեղեցական օրենքները, և առաջնորդվում է զուտ օտար պետության շահով:
Հարցազրույցն ամբողջությամբ՝ տեսանյութում:
