«Եթե իսկապես լուրջ հակասություն կա վարչապետ Կարեն Կարապետյանի և նախագահ Սերժ Սարգսյանի միջև, ապա ակնհայտ է, որ «Ծառուկյան» դաշինքն աջակցում է Սերժ Սարգսյանին»,- այդ մասին «Առաջին լրատվական»-ի հետ զրույցում ասաց քաղաքական վերլուծաբան Արմեն Բաղդասարյանը։
«Առևտրականների շարժումն ակնհայտ է, որ ուղղորդված է, լավ չէր ուղղորդված, ամեն ինչ կարված էր սպիտակ թելով և շատ բացահայտ է երևում։ Խնդիրը առևտրականների պրոբլեմները չեն, խնդիրը շատ ավելի լուրջ է՝ Հայաստանը պետություն է, թե՞ պետություն չէ, Հայաստանում օրենքները պիտի գործեն, թե՞ պիտի չգործեն։ Ցանկացած նորմալ երկրում, եթե ընդունվում է օրենք և հասարակության ինչ-որ խավ դժգոհ է, ինչ է անում այդ խավը, պահանջում է, որպեսզի օրենքը փոխվի, ոչ թե ասում է, որ դա չի կատարվի։ Հիմա Հայաստանում այդ վիճակն է, եթե դժգոհ են օրենքից, օրենքը ով է ընդունել՝ խորհրդարանական մեծամասնությունը, ո՞վ է խորհրդարանական մեծամասնությունը՝ ՀՀԿ-ն։ ՀՀԿ-ն ունի առաջնորդ, որի հրահանգով են պատգամավորները կողմ քվեարկում, ում է կուսակցությունը անվերապահորեն ենթարկվում՝ Սերժ Սարգսյանին, չէ՞, տրամաբանական կլիներ, եթե նրանց բողոքը լիներ Սերժ Սարգսյանի դեմ՝ որպես իշխող կուսակցության անվերապահ առաջնորդի։ Պիտի գնային ասեին՝ հարգելի պարոն նախագահ, մենք այս օրենքից դժգոհ ենք, մեծամասնությունը քեզ է ենթարկվում, օրենքը փոխիր, տեսեք՝ այդպիսի բան կա, ոչ՝ ճիշտ հակառակը․ ասացին շատ սկզբունքային մարդ է, չենք ուզում խանգարել»,- շեշտեց նա։
Մանրամասները՝ տեսանյութում։
