«Հայէկոնոմբանկ» ԲԲԸ-ն ներկայացնում է նոր վարկատեսակ՝ «Արևային» վարկ: «Այս վարկատեսակը հնարավություն կտա կրճատելու մեր հաճախորդների գազի և էլեկտրաէներգիայի ամսական ծախսերը ընդհուպ մինչև 95%: Վարկի շնորհիվ հաճախորդը կարող է ձեռք բերել արևային ջրատաքացուցիչ և արևային էլեկտրակայան (ֆոտովոլտային կայան)», – նշել է Բանկի վարկային պրոդուկտների զարգացման և վաճառքի բաժնի ղեկավարը:
Արևային ջրատաքացուցիչը՝
- արդյունավետ է ՝ ջուրը տաքացնում է մինչև եռման աստիճան,
- դիմացկուն է՝ չի վնասվում անգամ 3 սմ-ոց կարկտի ուղիղ հարվածից,
- պարզ է և չի պահանջում հատուկ սպասարկում,
- անվտանգ է ՝ զերծ է գազի ջրատաքացուցիչներին բնորոշ վտանգներից ՝ օրինակ գազի արտահոսքից,
- երկարակյաց է՝ ծառայում է ավելի քան 20 տարի,
Արևային (ֆոտովոլտային) էլեկտրակայանը՝
- չի պահանջում տան ցանցի փոփոխություններ, միայն տեղադրվում է լրացուցիչ հաշվիչ,
- 6-7 մ.ք տարածք զբաղեցնելով ապահովում է 1կՎտ հզորություն,
- երկարակյաց է՝ ծառայում է ավելի քան 25 տարի,
Բանկում նշել են նաև, որ այս վարկատեսակը հնարավորություն է տալիս ռեսուրսների կրճատմանը զուգընթաց բարձրացնել մարդու կյանքի որակը՝
- սարքերը ապահովում են էներգետիկ անկախություն և էներգակիրների թանկացման ռիսկի կրճատում,
- էկոլոգիապես մաքուր են և անվնաս մարդկանց առողջության ու շրջակա միջավայրի համար,
- հասանելի են և ունեն հետգնման կարճ ժամանակահատված:
«Արևային» վարկերը տրամադրվում են տարեկան 9% տոկոս տոկոսադրույքով, 60 ամիս մարման ժամկետով, առանց կանխավճարի և առնվազն 1 անձի երաշխավորությամբ:
