Լիբանանի վարչապետ Սաադ Հարիրին հրաժարական տալու որոշում է ընդունել ԱՄՆ-ի և Սաուդյան Արաբիայի ճնշման տակ: Mehr գործակալության հաղորդմամբ՝ այս մասին հայտարարել է Իրանի ԱԳՆ ղեկավարի օգնական Հոսեյն Շեյխոլիսլամը:
«Այդ քայլին, որի նպատակն է՝ մթնոլորտի սրումը Լիբանանում և Մերձավոր Արևելքում, Հարիրիին դրդել են ԱՄՆ նախագահ Դոնալդ Թրամփի վարչակազմը և սաուդցի թագաժառանգ արքայազն Մուհամմեդ բեն Սալմանը»,- ասել է դիվանագետը:
Հարիրին իր հրաժարականի մասին հայտարարել է շաբաթ օրը:
«Մենք ապրում ենք մի մթնոլորտում, որ նման է Ռաֆիկ Հարիրիի սպանությանը նախորդածին: Ես նկատել եմ, որ գաղտնի նախապատրաստվում է նաև իմ դեմ մահափորձը»,- հայտարարել է նա:
Հարիրին մեղադրել է նաև «Հըզբոլլահ» շիա շարժմանը և Իրանին «արաբական աշխարհը քանդելու» փորձի մեջ: Նա խոստացել է, որ «արաբական աշխարհը, ինչպես նախկինում, ոտքի կկանգնի և կկտրի Իրանի ձեռքերը»:
Շեյխոլիսլամի խոսքով՝ «Լիբանանի վարչապետի հրաժարականը Վաշինգտոնի և Էր-Ռիյադի պատասխան քայլն է Սիրիայում ԴԱԻՇ-ի գրոհայինների պարտությունից հետո»:
Նրա խոսքով՝ «դա սաուդյան որոշում է՝ ուղղված «Հզբոլլահի» հետ առճակատման:
