Կանադացի փոփ-երգիչ Ջասթին Բիբերի երկրպագուն՝ 33-ամյա ամերիկացի Թոբի Շելդոնը, 100 հզ. դոլար է ծախսել պլաստիկ վիրահատությունների համար, որպեսզի նման լինի երգչին: Այդ մասին հաղորդել է The Huffington Post-ը:
Պարբերականը նշում է, որ Շելդոնի՝ աստղի վերածվելու գործընթացը ձգձգվել է հինգ տարի:
Բացի բոտեքսի ներարկումներից և մազերի ձևափոխումից, Շելդոնը նաև վիրահատության է ենթարկվել շրթունքներն ուղղելու համար, որ ժպտա ինչպես Բիբերը: Շելդոնն ինքը համարում է, որ նոր ժպիտն իրեն ավելի երիտասարդ է դարձնում և ավելի է նմանեցնում իր կուռքին, ով ներկա դրությամբ 19 տարեկան է:
