Արդեն ավանդական դարձած շքերթի ընթացքում Չիլիի մայրաքաղաքի փողոցները շրջափակել են մոտավորապես 20 հազար «զոմբի»:
«Ողջ մեռյալները» մոտավորապես երկու կիլոմետր անցել են Սանտյագոյի գլխավոր փողոցի երկայնքով և հավաքվել այգում, որտեղ այնուհետև տեղի է ունեցել համերգ: Կազմակերպիչները հոգացել են նաև այն մասին, որ երթին կարողանան մասնակցել նաև հասարակ անցորդները: Հատուկ նրանց համար երթուղում տեղադրվել էին դիմահարդարման կետեր, որպեսզի յուրաքանչյուր ցանկացող կարողանա մի քանի րոպեում վերածվել «զոմբիի»:
Կազմակերպիչների տվյալներով՝ այս տարվա շքերթին մասնակցել են ռեկորդային թվով մարդիկ:
