Ամուսիններ Դենիս և Լորեյն Քարվերները, ովքեր վերապրել են Լաս Վեգասում Route 91 Harvest երաժշտական փառատոնի ժամանակ տեղի ունեցած հրաձգությունը, մոտ 2 շաբաթ անց ճանապարհատրանսպորտային պատահարի զոհ են դարձել։ Դեռևս հոկտեմբերի 16-ին տեղի ունեցած ողբերգության մասին հայտնի է դառնում միայն հիմա։ Այս մասին հայտնում է New York Post-ը։
Նրանք մեքենայով մխրճվել են մետաղական դարպասների մեջ՝ տնից կես մղոն հեռավորության վրա։ Հարվածից հետո մեքենան սկսել է այրվել, այնուհետև պայթել է։ Նրանք չեն կարողացել ժամանակին դուրս գալ մեքենայի սրահից և մահացել են։ Հրդեհը մարելու համար հրշեջներից մոտ 1 ժամ է պահանջվել։
