Այսօր ԱԺ ճեպազրույցների ժամանակ «Ելք» խմբակցության ղեկավար Նիկոլ Փաշինյանն անդրադարձավ նախկին պաշտպանության նախարար Սեյրան Օհանյանի կնոջ՝ Ռուզաննա Խաչատրյանի՝ նախորդ օրը ֆեյսբուքում կատարած գրառմանը:
«Մենք կարծում ենք, որ սոցիալական ցանցերում պաշտպանության նախկին նախարարի կնոջ գրառումից հետո բարձրացված աղմուկը պետք է պատշաճ պատասխաններ ստանա, որովհետեւ լայնորեն տպավորություն կա, որ տիկին Խաչատրյանը խոսում էր գործող պաշտպանության նախարար Վիգեն Սարգսյանի մասին: Եթե այդպես է, ուրեմն պաշտպանության նախարարը պետք է շատ հստակ պատասխաններ տա 1992 թվականին իր բանակ չզորակոչվելու պատճառների մասին: Այդ պատճառները պետք է լինեն, ոչ թե բանավոր, այլ փաստաթղթային:
Վիգեն Սարգսյանի պաշտոնական կենսագրականի մեջ արված այն գրառումը, թե 2000-2003 թվականներին ծառայել է Հայաստանի ժինված ուժերում, պետք է պարզաբանվի, որ հանրությունը իմանա, որ Վիգեն Սարգսյանը իր ծառայությունն անցկացրել է Սերժ Սարգսյանի ընդունարանում, քանի որ Սերժ Սարգսյանն այդ ժամանակ պնախարար էր: Ես կարծում եմ, որ ծայրահեղ անպատշաճ վարքագիծ է, երբ ողջ կյանը կաբինետներում անցկացրած պաշտպանության նախարարը կամավորական ծառայության մեկնած պատգամավորի արածը փորձում է կասկածի տակ դնել: Արարատ Միրզոյանը Վիգեն Սարգսյանից եռակի, քառակի անգամ ավելի լավ ծառայություն է անցել»,- ասաց Նիկոլ Փաշինյանը:
