«Մենք հասարակության մեջ, երիտասարդ սերնդի մեջ տեսնում ենք, որ տարեցտարի աճում է ճշգրիտ գիտությունների նկատմամբ հետաքրքրությունը։ Այդ կրթությունը պետք է։ Պետք է գիտական հիմքը դրվի, իսկ հետագան արդեն կպլանավորվի»,- «Առաջին լրատվական»-ի հետ զրույցում ասաց Հայաստանի ամերիկյան համալսարանի ճարտարագիտության քոլեջի դեկան Արամ Հաջյանը։
Նրա խոսքով՝ կառավարության կողմից կատարվող քայլերը ոլորտի զարգացման համար բավարար են, բայց պետք է ռազմավարական որոշումներ կայացվեն, ներդրումներ կատարվեն, որպեսզի մեծ արդյունք ունենանք։
Հաջյանը չի կարծում, որ նոր սերունդը ցանկանում է կրթություն ստանալուց հետո անպայման արտագաղթել։ «Ես նոր սերնդի մեջ արդեն տեսնում եմ շարժ, որ նրանք չեն ցանկանում անպայման ավարտելուց հետո հեռանալ երկրից։ Եվ հետո, բարձր տեխնոլոգիաների գիտությունը թույլ է տալիս անձին աշխատել, ռեալիզացվել այնտեղ, որտեղ որ ապրում է։ Նոր սերնդի մեջ ես հաճախ եմ տեսնում, որ նրանք ցանկանում են իրենց ապագան ստեղծել Հայաստանում»,- նշեց Հաջյանը։
Առավել մանրամասն՝ տեսանյութում:
