Սյունիքի մարզում այսօր՝ հոկտեմբերի 28-ին, երեկոյան ողբերգական վթար է տեղի ունեցել, ինչի հետևանքով հայր ու որդի մահացել են:
Ըստ ԱԻՆ կայքի՝ Սիսիան-Շամբ ավտոճանապարհին՝ Սիսիան-Շամբ ավտոճանապարհի 18 կմ-ին բախվել են «ՎԱԶ 2106» (վարորդ՝ Ն. Հ.) և «ՈւԱԶ 469Բ» մակնիշների (վարորդ՝ Ս. Մ.) ավտոմեքենաները, ինչի հետևանքով «ՎԱԶ 2106» մակնիշի ավտոմեքենայի ուղևոր՝ Ս. Հ.-ը տեղում մահացել է, իսկ «ՈւԱԶ 469Բ» մակնիշի ավտոմեքենայի ուղևորներ՝ Ս. Մ.-ը, Զ. Մ.-ը և Գ. Մ.-ը հոսպիտալացվել են Աղիտուի զինվորական հոսպիտալ։
Shamshyan.com-ի հաղորդմամբ, հիվանդանոցում մահացել է նաև 31-ամյա Ն.Հ.-ն: Ըստ տեղեկությունների, մահացածները հայր ու որդի են եղել, նրանք վերադառնում էին հարսանեկան արարողությունից:
