Երկրի պաշտպանական հզորությունը և պաշտպանական հնարավորությունները քննարկման ենթակա չեն, հայտարարել է Իրանի հոգևոր առաջնորդ այաթոլլա Ալի Խամենեին: Այս մասին հայտնում է IRNA-ն:
Խամենեին այս հայտարարությունն արել է Իրանի Իմամ Ալիի անվան համալսարանում ռազմական համալսարանների շրջանավարտներին դիպլոմների հանձնման արարողության ժամանակ:
«Ինչպես արդեն հայտարարվել էր հերթական անգամ և նորից հայտարարում ենք՝ երկրի պաշտպանական հզորությունը և պաշտպանական հնարավորությունները քննարկման ենթակա չեն»,- հայտարարել է Իրանի հոգևոր առաջնորդը՝ նշելով, որ Իրանը ոչ մի կերպ չի բանակցում թշնամիների հետ երկրի պաշտպանական միջոցների և այն հարցում, որ ապահովում կամ աջակցում է ազգային հեղինակությանը:
