Քաղաքագետ, «Քաղաքացիական գիտակցություն» ՀԿ նախագահ Նարեկ Սամսոնյանի դիտարկմամբ՝ ԵՄ շրջանակային համաձայնագրի ստորագրումը ՀՀ ինքնիշխանության վերականգնման առաջին, գերկարևոր քայլը կլինի, մնում է հուսալ, որ այն կստորագրվի:
«ԵՄ Շրջանակային համաձայնագիրը գերկարևոր փաստաթուղթ է ՀՀ -ի համար, կարծում եմ, որ Սերժ Սարգսյանի ողջ պաշտոնավարման ընթացքում միակ պետականամետ փաստաթղթի ստորագրման հեռանկարը ունենք այսօր: Վստահ եմ՝ այդ ամենը գիտակցում է նաև Սերժ Սարգսյանը»,-շեշտեց նա:
Անդրադառնալով դիտարկմանը, որը համաձայնագրի ստորգրման հետ կապված արդեն իսկ մի շարք մտահոգություններ են հնչում ոչ միայն Սերժ Սարգսյանի, այլև Կարեն Կարապետյանի գործոնով պայմանավորված, քանի որ ըստ էության ԵՄ-ն ուզում է հասկանալ, թե 2018-ից հետո ում հետ է աշխատելու, իսկ Կարեն Կարապետյանն էլ աչքի չի ընկել ԵՄ –ի հետ Շրջանակային համաձայնագիրը կարևորելով, դրա չստորագրման մտավախությունները փարատելով, Նարեկ Սամսոնյանը ասաց. «Շատ բնական է, որ Կարեն Կարապտյանը պետք է փորձեր ամեն ինչով խոչընդոտել , ասեմ ձեզ փորձել է խոչընդոտել իհարկե ներքին ձևվով , կուլիսային ճանապարհով, բայց չեմ կարծում, որ քաղաքական այդպիսի մակարդակում որոշումների կայացման վրա ունի ազդեցություն: Վերջերս կարծեմ «Սպուտնիկն» էր ԵՄ հեռ Շրջանակային համաձայնագրի դեմ ակնհայտ հակաքարոզչություն իրականացնում , անընդհատ ինչ-որ վերլուծաբաններ են հայտնվում: Այսինքն Մոսկվան փորձում է ինչ-որ ձևով ցույց տալ իր դիրքորոշումը: Ինձ համար Մոսկվան և Կարեն Կարապետյանը շատ քիչ տարբերություն ունեն: Շատ ճիշտ զուգահեռ էր վերջերս մամուլում տարվել Քսենյա Սոբչակի դերակատարում ունեցող Կարեն Կարապետյանը այստեղ Մոսկվայի կողմից նշանակված մարդ է: Այն ինչ հիմա ընտրությունների ընթացքում պիտի կատարի Քսենյա Սոբչակը, Կարեն Կարապետյանը այստեղ կատարեց: Բայց Կարեն Կարապետյանը մեր ներքաղաքական գործընթացների վրա ազդելու ռեսուրս չունի»,-նշեց Նարեկ Սամսոնյանը: Նրա դիտարկմամբ՝ ԵՄ-ն լավ գիտի 2018-ից հետո էլ գործ է ունենալու Սերժ Սերժ Սարգսյանի հետ:
Մանրամասները՝տեսանյութում
