ՀՀ ԱԺ ԵԼՔ խմբակցության պատգամավոր, Գիտության, կրթության, մշակույթի, երիտասարդության եւ սպորտի հարցերի մշտական հանձնաժողովի անդամ Արարատ Միրզոյանը տարկետման տրամադրման կարգի փոփոխության վերաբերյալ «Հոդված 3» ակումբում հրավիրված քննարկմանը վստահեցրեց՝ բոլոր այն գործիքները, որ ունի ԱԺ պատգամավորը, կիրառել ու կիրառելու է:
Ըստ նրա՝ առաջարկվող մեխանիզմը՝ ՊՆ-ի հետ պայմանագիր կնքել, լավն է, բայց վատ է, որ անձը չունի ընտրության հնարավորություն. «Կարծում եմ՝ 21-րդ դարում ՀՀ-ն ունի մեծ պոտենցիալ զարգացնելու գիտությունը և այդ արդյունքները ներդնելու տնտեսության մեջ, այս ուղղությամբ զարգանալու և դառնալու աշխարհի առաջատար երկրներից մեկը: Իսկ իշխանության ղեկին հայտնված մարդիկ տեսնում են զինվորների, կրոնականացված հասարակություն, որը պետք է շարունակի պահպանել իրենց իշխանությունը: Այդ մարդիկ մտածում են եղածը մի կերպ պահելու, ոչ թե զարգացման մասին»:
