Հատուկ կարգավիճակ ոչ մի լեզվի չի տրվում, նաև ռուսերենին: Մենք այս հայեցակարգով փաստում ենք, որ մեզ համար կարևոր են օտար լեզուները, կարևոր են ռուսերենը, անգլերենը, և մեր դպրոցներում խորացված ձևով լեզուներ պետք է ուսուցանենք: Անդրադառնալով ռուսաց լեզվի հայեցակարգին՝ «Առաջին լրատվական»-ի հետ զրույցում ասաց ՀՀ կրթության և գիտության նախարարի տեղակալ Վահրամ Մկրտչյանը:
Նրա խոսքով՝ երիտասարդությունը բավականին լավ յուրացրել է անգլերենը, գրեթե ազատ տիրապետում է, մի փոքր հետին պլան էր մղվել ռուսերենը, որովհետև ռուսական գրականությունը, շփումները ավելի պասիվ էին: «Հաշվի առնելով, որ մենք ԵԱՏՄ անդամ երկիր ենք, և այնտեղ ամբողջ գրագրությունը, շփումները, գործարար կապերը տեղի են ունենում ռուսերենով, մենք կարևորում ենք, որ նաև այդ լեզվով հայ երիտասարդը հիմնարար գիտելիքներ պետք է ունենա: Ի՞նչ վատ բան կա այդտեղ»,- ասաց Վահրամ Մկրտչյանը:
Անդրադառնալով կրթության և գիտությանը տարեցտարի բյուջեով նախատեսված գումարների նվազմանը՝ նա նշեց, որ կրթության նվազումը հատուկ չի արվում, կառավարությունը, հաշվի առնելով բյուջեի հնարավորությունները, որոշակի ծախսերից փորձում է խնայողություններ անել:
Հարցազրույցն ամբողջությամբ՝ տեսանյութում:
