Ռուսաստանում ԱՄՆ նոր դեսպան Ջոն Հանթսմանը հայտարարել է, որ Ուկրաինայի ինքնիշխանության վերականգնումը նրա ողջ տարածքում կդառնա առանցքային հարց Մոսկվայի հետ հարաբերություններում։ Ելույթ ունենալով Սոլթ-Լեյք-Սիթիում՝ Յուտայի նախկին նահանգապետ Հանթասմանը հոկտեմբերի 7-ին հայտարարել է, որ ցանկանում է բարելավել հարաբերությունները Ռուսաստանի հետ, սակայն հաստատել է, որ առաջին քայլը պետք է լինի միջազգայնորեն ճանաչված սահմաներում Ուկրաինայի տարածքների նկատմամբ վերահսկողության վերադարձը Մոսկվայի կողմից։
Նրա խոսքով՝ դա խնդիր է ոչ միայն ԱՄՆ-ի, այլև Եվրոպայի, Կանադայի և գրեթե ցանկացած այլ զարգացած երկրի հետ Մոսկվայի հարաբերություններում։ Հանթսմանն իր հայրենի նահանգ էր այցելել երդմնակալության արարողության համար։
Նա Փխենյանին անվանել է սպառնալիք ԱՄՆ-ի, Ռուսաստանի և մնացած աշխարհի համար։
«Համատեղ գործելով՝ ԱՄՆ-ը և Ռուսաստանը կարող են ստիպել հյուսիսկորեական ռեժիմին բանակցային սեղանի շուրջ նստել և դիվանագիտական լուծում գտնել»,-ասել է նա։
Հանթսմանը չի բացառել նաև Ռուսաստանի հետ հնարավոր համագործակցությունը ԴԱԻՇ-ի դեմ պայքարում և Սիրիայում 6-ամյա քաղաքացիական պատերազմի դադարեցման գործում։
