ԱՄՆ-ը կոչ է արել ՄԱԿ-ի անդամ-երկրներին չստորագրել պայմանագիրը, որն արգելում է միջուկային զենքը՝ հայտարարելով, որ այն հակաարդյունավետ է։
«Մեզ անհանգստացնում է, որ այդ պայմանագիրը ոչ միայն անօգուտ է, այլև հակաարդյունավետ։ Մենք հասկանում ենք երկրների ձգտումը դեպի միջուկային զինաթափում, սակայն Հյուսիսային Կորեայի հետ կապված իրավիճակը ցույց է տալիս միջուկային զսպման անհրաժեշտությունը»,-հայտարարել է ԱՄՆ պետքատուղարի օգնականի պաշտոնակատար Անիտա Ֆրիդտը ՄԱԿ-ի Գլխավոր ասամբլեայի Առաջին կոմիտեի նիստում։
Նա նշել է, որ ԱՄՆ-ի համար անպատասխանատու կլինի նոր համաձայնագրի տակ ստորագրելը, որը կարող է տանել քաղաքական տարաձայնությունների ուժեղացման և Միջուկային զենքի չտարածման մասին պայմանագրի փոխարինման։
Նրա խոսքով՝ գործող մեխանիզմների լեգիտիմության ու ներուժի խաթարումը չի նպաստի հետագա առաջընթացին։
