Բրազիլիայի քարանձավներից մեկում ժայռապատկեր է հայտնաբերվել, որից կարելի է ենթադրել, որ առաջին մարդիկ Ամերիկայում ի հայտ են եկել 18 հազար տարի ավելի վաղ, քան ենթադրվում էր:
Բրազիլիայում տեղի ունեցած ցուցահանդեսի ժամանակ արտեֆակտներ են ներկայացվել, ըստ որոնց` մայրցամաքում մարդիկ գոյություն են ունեցել դեռևս 30 հազար տարի առաջ` այն դեպքում, երբ ընդունված է կարծել, որ առաջին մարդիկ Ասիայից Ամերիկա են եկել 12 հազար տարի առաջ:
100 ցուցանմուշները, այդ թվում` ժայռապատկերներն ու խեցեղենները, պատկերում են կենդանիների, ինչպես նաև այդ հնագույն ամերիկացիների կյանքից տարբեր տեսարաններ` ծեսեր, որսորդություն և նույնիսկ սեռական կյանքի դրվագներ:
Արտեֆակտները հայտնաբերվել են Սերա Դա Կապիվարա ազգային այգում, որը գտնվում է Բրազիլիայի հյուսիսարևելյան Պիաուի նահանգում: 1970-ականներից ի վեր հնագետ Նիեդե Գվիդոնը ղեկավարել է Պիաուիի լայնամասշտաբ պեղումները, հաղորդում է Mail Online-ը: