Այսօր՝ հոկտեմբերի 1-ին, խոշոր ավտովթար-հրդեհ է տեղի ունեցել Լոռու մարզում: Ժամը 16:00-ի սահմաններում Օձուն-Ստեփանավան ավտոճանապարհին բախվել են Toyota Camry մակնիշի 98 MM 988 համարանիշի և Opel Astra մակնիշի 95 VC 095 համարանիշի ավտոմեքենաները: Ինչպես հայտնում է shamshyan.com-ը, բախման հետևանքով 3 հոգի մարմնական վնասվածքներով տեղափոխվել են Ալավերդու բժշկական կենտրոն: Ֆոտոլրագրողը հայտնում է, որ վթարի հետևանքով Opel-ում առաջացել է հրդեհ և այն ամբողջովին վերածվել է մոխրակույտի:
Դեպքի վայր են ժամանել Ճանապարհային Ոստիկանության 2-րդ սպայական գումարտակի 5-րդ վաշտի ծառայողները՝ վաշտի հրամանատար Վահան Էվինյանի գլխավորությամբ: Ժամանել են նաև Արտակարգ իրավիճակների նախարարության փրկարար ծառայության Ալավերդու հրշեջ-փրկարարական ջոկատը:
Փաստի առթիվ ՃՈ 2-րդ սպայական գումարտակի 5-րդ վաշտի հետաքննիչ Սարգիս Եգորյանի կողմից նյութեր են նախապատրաստվում: Դեպքի վայր են ժամանել նաև Ոսստիկանության Թումանյանի բաժի օպերատիվ խումբը: Ոստիկանությունը պարզում է վարորդների և վիրավորների ինքնությունը:
Մանրամասները՝ shamshyan.com-ում
