Իրաքյան Քրդստանը չի սպասում Իրաքի բանակի հետ ռազմական ընդհարումների՝ Բաղդադից անկախանալու հարցով հանրաքվեի անցկացումից հետո։ Այս մասին հայտնել է ինքնավարության ղեկավար Մասուդ Բարզանին։
«Մենք բացարձակապես չենք մտածում զինված հակամարտության մասին, մենք պատրաստ ենք ագրեսիայի հետմղման, բայց ոչ իրաքյան բանակի։ Մենք նրա հետ անցկացնում ենք փեշմերգայի (քրդական զինված ջոկատներ) և բանակի միջև համակարգում, այդ իսկ պատճառով ես իմ կողմից հաստատում եմ, որ մենք այդ մասին չենք մտածում»,-հայտարարել է քուրդ առաջնորդը մամլո ասուլիսի ժամանակ։
Ավելի վաղ Իրաքյան Քրդստանի ղեկավարը հայտարարել էր, որ տարածաշրջանը չի հետաձգի հանրաքվեն, որը նշանակված է սեպտեմբերի 25-ին, չնայած աշխարհի շատ երկրների դժգոհությանն ու Իրաքի դաշնային դատարանի արգելքին։
Բարզանին ընդգծել է, որ պատրաստ է Բաղդադի հետ բանակցությունների, սակայն միայն հանրաքվեի անցկացումից հետո։
