«Մեծ հարգանքով եմ վերաբերվում Հայաստանի վարչապետին, բայց նրան խորհուրդ կտայի ուշադիր կարդալ այն համաձայնագիրը, որն ինքը ցանկանում էր ստորագրել ԵՄ-ի հետ»,- «Աոավոտի» հետ բացառիկ զրույցում ասել է Մաքսային միության նախկին պատասխանատու քարտուղար, ՌԴ նախագահի խորհրդական Սերգեյ Գլազևը:
Հիշեցնենք, որ ՀՀ վարչապետ Տիգրան Սարգսյանը մեկ անգամ չի հայտարարել, որ Մաքսային միությանը Հայաստանի անդամակցությունն անարդյունավետ է թեկուզ այն պատճառով, որ ընդհանուր սահման չկա: Նախագահ Սարգսյանի մոսկովյան հայտարարությունից հետո վարչապետ Տիգրան Սարգսյանը հրաժարականի դիմում չներկայացրեց: Պարոն Գլազևից թերթը հետաքրքրվել է ինչպե՞ս են պատրաստվում աշխատել մի պաշտոնյայի հետ, ով սկզբունբորեն դեմ էր Հայաստանի ՝ այդ համակարգում ընդգրկվելուն:
«Եթե Հայաստանի վարչապետն ուշադիր կարդար, թե ինչ է ինքը պատրաստվում շնորհել Բրյոաելին, որ պատրաստվում է հրաժարվել Հայաստանի սուվերենությունից ՝ այն ստորադասելով առևտրատնտեսական հարաբերություններին, ես կարծում եմ՝ նա կվերանայեր իր մոտեցումները»,- հավելել է «Առավոտ»-ի զրուցակիցը:
Հոդվածն ամբողջությամբ՝ կարդացեք «Առավոտ»-ի այսօրվա համարում:
