«Երկուշաբթի օրը Կենտրոն և Նորք-Մարաշ վարչական շրջանների ընդհանուր իրավասության դատարանում լսվելու է մեր բողոքը անմեղության կանխավարկածի խախտման և գործն ԱԱԾ կողմից քննելու դատախազի ցուցման վերաբերյալ»,- անդրադառնալով եղբոր՝ Տիգրան Փոստանջյանի անօրինական ազատազրկման վերաբերյալ բողոք ներկայացնելու խնդրին՝ «Առաջին լրատվականի» հետ զրույցում տեղեկացրեց ԱԺ «Ժառանգություն» խմբակցության պատգամավոր Զարուհի Փոստանջյանը:
Նշենք, որ երեկ դատավոր Արթուր Մկրտչյանը որոշեց Տիգրան Փոստանջյանի նկատմամբ հարուցված քրեական գործի վարույթը կարճել, դադարեցնել քրեական հետապնդումը և նրա նկատմամբ կիրառել վերջերս հայտարարված համաներումը:
Փոստանջյանն ընդգծեց, որ բոլոր խախտումների առնչությամբ լինելու են բողոքարկման գործընթացներ, իսկ շատերն էլ ընթացքի մեջ են:
