Ուկրաինացի բռնցքամարտիկ Վլադիմիր Կլիչկոն նշանվել է դերասանուհի Հեյդեն Փանեթյերիի հետ: Այս մասին հաղորդում է Reuters գործակալությունը:
24-ամյա Հեյդեն Փանեթյերին թոք-շոուներից մեկում եթերում հայտնվել է նշանադրության մատանիով: Հաղորդավարի հարցին՝ արդյոք մատանին նշանակո՞ւմ է, որ նրանք նշանվել են, դերասանուհին դրական պատասխան է տվել:
Նա նաև հայտնել է, որ 37-ամյա բռնցքամարտիկի հետ հարսանիքի օրը դեռևս չեն որոշել:
Ավելի ուշ նշանադրության փաստը հաստատել է դերասանուհու մամլո քարտուղարը՝ հրաժարվելով մանրամասներ ներկայացնել:
