ԱՄՆ Կալիֆոռնիա նահանգի նահանգապետ դեմոկրատ Ջերի Բրաունը վետո է դրել օրինագծի վրա, որը ամերիկյան անձնագիր չունեցող ներգաղթյալներին թույլ է տալիս դատարանում հանդես գալ երդվյալ ատենակալների դերում, հաղորդում է BBC-ն:
Մեկնաբանելով իր որոշումը՝ Բրաունը հայտարարել է, որ երդվյալ ատենակալ լինելը հավասարազոր է քվեարկելուն, ինչը բացառիկ իրավունք է և ԱՄՆ քաղաքացիների իրավասությունն է:
Ջերի Բրաունը նախկինում ստորագրել է օրինագիծ, որն ընդլայնում է ներգաղթյալների իրավունքը, որոնք չունեն ամերիկյան քաղաքացիություն: Նահանգի նոր օրենքների համաձայն՝ մասնավորապես թույլատրվում է փաստաբանական գործունեությունը և վարորդական իրավունք ստանալը:
