Ծագումով Վանաձորից լողորդ Շավարշ Կարապետյանը (1953թ.) իրական կյանքում կատարել է Հերկուլեսին և Սուպերմենին արժանի սխրագործություններ: Նրա անվանը կցվում են նաև մարզական մեծ հաջողություններ, սակայն նրա անունն այսօր մեծ մասին ոչինչ չի ասում՝ գրում է «Արգումենտի ի ֆակտին»:
Ծանր քաշով և ոչ երիտասարդ մարդն օլիմպիական ջահը ձեռքին վազել է Կրեմլով: Տեսանելի էր, որ 100 մետր վազքը դժվար է նրա համար: Հանկարծ կրակը մարել է: Պահպանության դաշնային ծառայության աշխատակիցը շտապ վառել է կրակը իր կրակայրիչով: Տղամարդը շարունակել է վազքը՝ հասնելով նախատեսված վայր, և փոխանցել ջահը:
Սոցցանցերում եռում են քննարկումները հատուկ ծառայությունների աշխատակցի կողմից կրակայրիչով վառված կրակի շուրջ: Օգտատերերը նույնիսկ չեն հասկացել, թե ում հետ է չար կատակ արել քամին, և թե ինչու է նա հայտնվել ջահակիրների շարքում:
Ի գիտություն նրան չճանաչողների՝ պարբերականն անդրադարձ է կատարել նրա նվաճումներին ու քաջագործություններին, որոնց շնորհիվ բազմաթիվ կյանքեր են փրկվել: 1974-ի հունվարին նա կարողացել է ճիշտ կողմնորոշվելու շնորհիվ փրկել Ծաղկաձորից Երևան վերադարձող մազիկներին ու մարզիչներին, որոնց ավտոբուսը բարձր լեռնային ճանապարհից սկսել էր ներքև սահել, մինչդեռ վարորդը փորձում էր կարգի բերել շարժիչի անսարքությունները: Անդրադարձ է կատարվում նաև 1976 թվականի սեպտեմբերի 16-ին Երևանյան լճում հայտնված տրոլեյբուսին, որը հայտնվել էր 10 մետր խորության վրա: Լողորդը կոտրել էր տրոլեյբուսի հետևի ապակին ու դուրս բերել մարդկանց:
