Աֆղանստանի նախագահ Համիդ Քարզայը կտրուկ քննադատության է ենթարկել ՆԱՏՕ-ի ռազմական օպերացիան՝ անվանելով այն անարդյունք: Քարզայը նման տեսակետ է արտահայտել հոկտեմբերի 7-ին BBC-ին տված հարցազրույցում:
Քարզայի խոսքով՝ ԱՄՆ-ի ու նրա դաշնակիցների գործողություններն Աֆղանստանում երկրին վիթխարի տառապանքներ ու մարդկային կորուստներ են պատճառել, սակայն փաստացի արդյունք չեն տվել, քանի որ ներկայում Աֆղանստանը, ինչպես նախկինում, անվտանգ չի համարվում:
Քարզայի կարծիքով՝ ՆԱՏՕ-ի ղեկավարությունը սխալ է թույլ տվել՝ կենտրոնանալով Աֆղանստանի հեռավոր շրջաններում թալիբների դեմ պայքարի վրա: Դրա փոխարեն, նրա խոսքով՝ պետք էր ավելի շատ ուշադրություն դարձնել հարևան Պակիստանում «Թալիբանի» բազաների վրա:
ՆԱՏՕ-ի օպերացիան սկսվել է 2001 թվականին: Մինչ օրս Հյուսիսատլանտյան դաշինքը տվել է 3372 զոհ: Իրավապաշտպանների գնահատականներով՝ խաղաղ բնակիչների շարքում զոհերի թիվը կազմում է 16-19 հազար:
