Կառավարությունը պարտավորվում է տեղեկացնել ԱՄՆ մուտք գործելու մերժում ստացած բոլոր անձանց, որ իրենք երեք ամսվա ընթացքում կարող են արդարադատության նախարարության ներկայացուցիչների օգնությամբ կրկին դիմել ամերիկյան վիզա ստանալու: Այսպիսի համաձայնության են եկել իրավապաշտպանները և Թրամփի վարչակազմը՝ գրում է «Ամերիկայի ձայն»-ը:
Ի պատասխան՝ կհանվեն վարչակազմի դեմ բոլոր դատական պահանջները: Թրամփն իր նախագահության առաջին օրերից ստորագրել է ԱՄՆ մուտքն արգելող հրամանագիր Իրանի, Իրաքի, Լիբիայի, Սոմալիի, Սուդանի, Սիրիայի ու Եմենի քաղաքացիների համար: Այս հրամանագիրը բողոքի լայն ալիք էր բարձրացրել հանրության շրջանում, որին հետևել էին նաև մի քանի դատական հայցեր ընդդեմ կառավարության:
Դաշնային դատարանը 8 օր անց կարճեց Թրամփի ստորագրած հրամանագիրը, որին ի պատասխան՝ վարչակազմը հայտնեց, որ կվերանայի այն: Հետագայում Իրաքը դուրս էր բերվել վերոհիշյալ երկրների ցանկից, սակայն հունիսին ԱՄՆ Գերագույն դատարանը որոշեց, որ հրամանագիրը կկիրառվի Իրաքի այն քաղաքացիների հանդեպ, ովքեր չեն կարողանա ներկայացնել համապատասխան կապեր ԱՄՆ-ում գտնվող անձի կամ կազմակերպության հետ:
