Կյանքի տևողությունը անմիջականորեն կապ ունի բարձրագույն կրթության հետ: Քոլեջ կամ համալսարան ավարտածները միջին հաշվով ապրում են 9 տարով ավելի, քան ցածր կամ միջին կրթություն ունեցողները: Այս մասին են վկայում ԱՄՆ-ի առողջապահության ոլորտում ազգային վիճակագրական կենտրոնի հետազոտության արդյունքները:
Գիտնականները պարզել են, որ ԱՄՆ-ում բարձրագույն կրթություն չունեցող տղամարդկանց շրջանում կյանքի միջին տևողությունը կազմում է 72 տարի, իսկ բարձրագույն կրթություն ունեցողների մոտ 81 տարի: Կանանց պարագայում միջակայքը կազմում է 8 տարի՝ համապատասխաաբար 77 և 85 տարի:
Հետազոտության հեղինակներն այդ կապը պայմանավորում են նրանով, որ ավելի կիրթ մարդիկ մեծ ուշադրություն են դարձնում իրենց առողջության վրա: Ցածր կրթություն ունեցող 25-64 տարեկան տղամարդկանց շրջանում ծխողների թիվը կազմում է 31 տոկոս, քոլեջ ավարտածների շրջանում ցուցանիշը 24 տոկոս է, իսկ բակալավրի աստիճան ստացածների մոտ 9 տոկոս:
Բացի այդ, բարձրագույն կրթություն ունեցողների աշխատավարձերը, որպես կանոն, բարձր են. նրանք կարող են իրենց թուլ տալ որակյալ բժշկական ծառայություն և առողջ կենսակերպ:
