«Հրապարակ» թերթը գրում է. «Վարդան Հարությունյանն ազատվում է հարկայինի հաշվապահ ծառայողներից։ ՊԵԿ-ում հերթական պաշտոնանկությունն է եղել՝ ազատվել է կոմիտեում աշխատող, ձեռքի հետ էլ հաշվապահություն անող Արաբկիրի հարկայինի պետի տեղակալ Հովհաննես Գոյումջյանը։
Նրա փոխարեն դեռ նշանակում չկա։ ՊԵԿ մեր աղբյուրները նշում են, որ նրան է պատկանում «Ֆրեդա» վարկային, հաշվապահական, իրավաբանական, բիզնես ծառայություններ մատուցող ընկերությունը, թեեւ պաշտոնապես տնօրենն այլ անձ է։
Մենք անդրադարձել ենք այն խնդրին, թե ինչպես են հարկայինի աշխատակիցները հաշվապահական ընկերություններ բացում՝ պետական ծառայության հետ հաշվապահություն անում տնտեսվարողների համար, նրանց հարցերն էլ հարկայինում լուծում:
Մանրամասները՝ թերթի այսօրվա համարում
