Պենտագոնում առաջին անգամ պաշտոնապես հայտնել են Աֆղանստանում ամերիկացի զինծառայողների թիվը՝ մոտ 11 հազար, փոխանցում է CNBC-ն։
Նշվում է, որ դա 2500-ով ավելի է, քան պաշտոնական թիվը, որն անվանվել է նախորդ վարչակազմի օրոք՝ 8400։
Պենտագոնում հստակեցրել են, որ խոսքը ոչ թե զորակազմի մեծացման, այլ հստակեցված տվյալների մասին է։
CNBC-ի հաղորդմամբ՝ զինվորական հրամանատարությունը մշտապես խառնում է զորքերը, որոնց մի մասը համարվում է «ժամանակավոր»։ Նպատակը սահմանված չափաքանակը չգերազանցելն է ու հանրության վրդովմունքը չառաջացնելը։
Պենտագոնի ներկայացուցիչ Դանա Ուայթը հրաժարվել է Իրաքում և Սիրիայում ամերիկացի զինվորականների թվաքանակի վերաբերյալ տվյալներ տրամադրել։ ԶԼՄ-ների կարծիքով՝ այդ թվերը նույնպես զգալիորեն գերազանցում են պաշտոնական տվյալները։