ԱՄՆ նախագահ Բարաք Օբաման շաբաթ օրը հայտարարել է, որ Իրանը մեկ տարի անց կամ ավելի ուշ միջուկային զենք արտադրելու հնարավորություն կունենա: Այս մասին հաղորդում է Reuters գործակալությունը:
«Մեր գնահատականներով՝ խոսքը մեկ տարվա կամ ավելիի մասին է: Մեր ենթադրությունները, փաստորեն, ավելի պահպանողական են, քան իսրայելական հետախուզության տվյալները»,- ասել է Օբաման՝ պատասխանելով լրագրողների հարցին՝ կապված իրանական միջուկային զենքի ստեղծման ժամկետների հետ:
ԱՄՆ-ը և այլ երկրներ կասկածում են, որ Իրանը մտադիր է միջուկային զենք ստեղծել: Իրանը հերքում է դա:
