Լիբիայից 150 փախստականի դիակ է հայտնաբերվել Թունիսի ափամերձ շրջանում այն բանից հետո, երբ շրջվել և խորտակվել է աֆրիկացիներին Եվրոպայի ափերը հասցնող նավակը: Այս մասին հայտնում է Reuters գործակալությունը՝ հղում անելով ՄԱԿ-ի պաշտոնական ներկայացուցչին:
«Ներկա պահին Կերկենահի ափերի մոտ հայտնաբերվել է 150 փախստականի դի»,- ասել է ՄԱԿ-ի փախստականների հարցերով պատասխանատու Քերոլ Լալևը:
«Որոնողական աշխատանքները շարունակվում են»,- ավելացրել է նա:
Եվրոպա հասնել ցանկացող Աֆրիկացի փախստականների խնդիրը շատ է անհանգստացնում Եվրամիությանը, որը մայիսի սկզբին համաձայնել է խստացնել շենգենյան գոտում գտնվող երկրների սահմանները հատելու գործընթացը: .
Խստացումների պատճառը Հյուսիսային Աֆրիկայից ներգաղթյալների թվաքանակի կտրուկ աճն է, որոնց վերաբերյալ իրենց մտահոգությունն են հայտնել Իտալիայի վարչապետ Սիլվիո Բեռլուսկոնին և Ֆրանսիայի նախագահ Նիկոլա Սարկոզին:
