Կինեմատոգրաֆի ամերիկյան ինստիտուտը (American Film Institute) Ջեյն Ֆոնդային կպարգևատրի պատվավոր մրցանակով՝ կինոյի զարգացման մեջ ունեցած ներդրման համար, տեղեկացնում է Associated Press-ը:
«Ջեյն Ֆոնդան ամերիկյան կինեմատոգրաֆի թագավորական ընտանիքի անդամ է»,- հայտարարել է AFI-ի նախագահ Հորվարդ Սթրինգերը: Ընդ որում, նա նշել է, որ դերասանուհին, հանդիսանալով Հենրի Ֆոնդայի դուստրը, կարողացել է «սեփական ձայնն ունենալ և հարթել սեփական ճանապարհը»:
Ֆոնդան AFI-ի մրցանակը կստանա 2014 թ. հունիսի 5-ին:
Ջեյն Ֆոնդան առաջն անգամ էկրաններին հայտնվել է 1960 թ.՝ «Մեծ պատմություն» ռոմանտիկ կատակերգությունում: Նա երկու անգամ «Օսկարի» մրցանակակիր է դարձել:
AFI Life Achievement Award-ն առաջն անգամ իր մրցանակը հանձնել է 1973 թ., մրցանակակիրը Ջոն Ֆորդն է դարձել: Տարբեր տարիներին մրցանակակիրներ են դարձել Օրսոն Ուելսը, Հենրի Ֆոնդան, Ալֆրեդ Հիչքոկը, Էլիզաբեթ Թեյլորը, Ջեք Նիքոլսոնը, Քլինթ Իսթվուդը, Սթիվեն Սփիլբերգը, Բարբարա Սթրեյզանդը և Մերիլ Սթրիփը:
