1970թ. հոկտեմբերի 4-ին կյանքից հեռացավ Ջանիս Ջոփլինը՝ բլյուզի լավագույն սպիտակամորթ երգչուհիներից մեկը ու ռոք երաժշտության մեծագույն վոկալիստներից մեկը, գրում է vmdaily.ru-ն:
Ջանիս Լին Ջոփլինը ծնվել է Պորտ Արտուրում (Տեխաս, ԱՄՆ) 1943թ. հունվարի 19-ին: 1966թ. սկզբին դարձել է Սան Ֆրանսիսկոյի Big Brother and the Holding Company խմբի վոկալիստ, որի հետ ձայնագրել է մի քանի հաջող սինգլ:
Իսկական փառքի նա արժանացավ 1967թ. Մոնտերեի փառատոնում ելույթից հետո: 1968թ. վերջին նա որոշեց հեռանալ կոլեկտիվից ու ստեղծեց սեփական Kozmic Blues Band-ը:
«Ես չեմ կարող պատմել ձեզ այն մասին, թեն ինչպես եմ երգում: Ես իմ երգի ներսում եմ: Ինչպես կարելի է նկարագրել այն, ինչում ես գտնվում եմ»,- ասում էր Նա:
1970թ. այս օրը նրան մահացած հայտնաբերեցին Լոս Անջելեսի Landmark մոթելում: Երգչուհին մահացել էր հերոինի չարաշահման հետևանքով:
1995թ. նրա անունը հետմահու ընդգրկվեց Ռոքնռոլի փառքի սրահում, իսկ ևս 10 տարի անց նա ստացավ Grammy՝ ակնառու հաջողությունների համար:
Rolling Stone ամսագրի վարկածով՝ նա «բոլոր ժամանասկների 100 լավագույն երգիչ-երգչուհիների ցանկում գրավում է 28-րդ հորիզոնականը: