Ավիադիսպետչերների եվրոպական միավորումը (ATCEUC) կոչ է արել իր անդամներին հոկտեմբերի 10-ին համաեվրոպական գործադուլ անցկացնել: Ակցիան կկայանա որպես բողոք՝ ուղղված Միացյալ եվրոպական օդային տարածք ստեղծելու Եվրահանձնաժողովի գաղափարին: Նախագիծն ուղղված է ավիացիայում առկա ազգային խոչընդոտների վերացմանը և ԵՄ-ում օդային երևեկության միացյալ կարգավորիչ մարմին ստեղծելուն:
Ներկայումս օդային երթևեկության վերահսկումը հիմնականում մնում է ազգային մակարդակի վրա: ԵՄ-ում կա օդային երթևեկության 63 առանձին հատված: Այս մասին հայտնում է Politiken պարբերականը:
Նման կենտրոնացման հաշվին նախատեսվում է կրճատել ձգձգումները և եռակի մեծացնել ԵՄ օդային տարածքի թողունակությունը:
Ավիադիսպետչերները կարծում են, որ նախագիծը կարող է հանգեցնել թռիչքների անվտանգության անկման և աշխատանքի պայմանների վատացման, հնարավոր է՝ աշխատավարձերի ու աշխատողների կրճատման:
