Իրավապաշտպան Վարդան Հարությունյանը համաներումը հումանիստական ակտ չի համարում, որովհետև, ըստ նրա, սա թելադրված էր ոչ թե հումանիզմով, մարդասիրությամբ, այլ անհրաժեշտությամբ.
«Հայաստանի ընդդիմության կողմից 3 տարի շարունակվող համապատասխան ճնշումների արդյունքում և միջազգային հանրության ցուցաբերած ճնշումների արդյունքում իշխանությունները ստիպված եղան համաներման գնալ»:
Վարդան Հարությունյանը կարծում է, որ եթե այս քայլն իսկապես պայմանավորված լիներ հումանիզմով, ապա նախ ավելի շուտ տեղի կունենար և հետո դրա կարիքը չէր էլ լինի:
«Եթե հումանիզմ հասկացողությունը լիներ այս իշխանություններում, չէին ձերբակալի մարդկանց քաղաքական դրդապատճառներով, որպեսզի 3 տարի անց չակերտավոր հումանիզմով նրանց ազատ արձակեին»,- նշում է իրավապաշտպանը:
