Դերասանուհի Ջենիֆեր Էնիսթոնը համալրել է հայտնի անձանց շարքերը, որոնք աջակցում են կանանց՝ կրծքագեղձի քաղցկեղի դեմ պայքարում, հաղորդում է 7days.ru-ն:
Հոլիվուդյան դերասանուհին մասնակցել է «Բուժման բանալի» շապիկի գովազդին: Շապիկը ստեղծել է դիզայներ Փիթեր Դանդեսը՝ Emilio Pucci նորաձևության տան համար: Շապիկը, որի վրա պատկերված է երկու սիրտ, վաճառվում է 35 դոլարով: Բոլոր եկամուտները կփոխանցվեն հիմնադրամին, որը զբաղվում է կրծքագեղձի հետազոտությամբ:
«Մեծ պատիվ է ինձ համար մասնակցել նման ակցիայի: Հույս ունեմ, որ իմ բոլոր երկրպագուները կնպաստեն այս կարևոր գործին` գնելով «Բուժման բանալի» շապիկը,- ասվում է դերասանուհու հայտարարության մեջ: