Իրանցի ռեժիսոր Մուհամմադ Ռասուլոֆը, որը Կաննի 2013թ. կինոփառատոնում «Ձեռագրերը չեն այրվում» ֆիլմի համար ստացել է FIPRESCI մրցանակ, զրկվել է անձնագրից այն բանից հետո, երբ տուն է վերադարձել: Ինչպես հաղորդում է deadline.com-ը, ռեժիսորի դեմ գործադրվող ճնշումների պատճառը հավանաբար հենց նրա ֆիլմն է, որը կինոմամուլի կարծիքով՝ քննադատում է Իրանի վարչակարգը:
Փաստաթղթերն առգրավելով՝ ռեժիսորին, փաստորեն, արգելել են նաև դուրս գալ երկրից:
2010թ. Ռասուլոֆին արդեն իսկ ներկայացվել էր «վարչակարգի դեմ քարոզելու» մեղադրանք, այդ ժամանակ նա դատապարտվեց վեց տարով, այնուհետև դատավճիռը փոխվեց, պատժաչափը՝ ևս. մեկ տարի ազատազրկում և կինոյում աշխատելու 20-ամյա արգելք: Սակայն ռեժիսորը չբանտարկվեց, նա ազատ ճամփորդում էր և իր ֆիլմերը ներկայացնում միջազգային փառատոներում: