Համաշխարհային տնտեսական ֆորումում գիտնականները ներկայացրել են ֆորմուլա, որի համաձայն՝ ամերիկացիները ճանաչվել են երկրագնդի «ամենագեր, նյարդային ու հիվանդ» մարդիկ՝ գրում է The Washington Post-ը:
«Մարդկային կապիտալի ինդեքս»-ում հաշվի է առնվում ոչ ինֆեկցիոն հիվանդությունների թիվը՝ ճարպակալում, շաքարային դիաբետ, սրտային հիվանդություններ, ինչպես նաև կրթությունը, բժշկական հնարավորություններն ու այլ չափանիշներ:
Գիտնականները մատնանշել են հիվանդությունների՝ բիզնեսի վրա ունեցած մեծ ազդեցությունն ու երկրի ընդհանուր տնտեսական վիճակը:
ԱՄՆ-ը 122 պետությունների շարքում կապիտալի ինդեքսով զբաղեցրել է 112-րդ տեղը:
Վարկանիշային աղյուսակում առաջատարները եվրոպական ոչ մեծ երկրներն են, իսկ մեծ ու զարգացած երկրները տառապում են մեծ քանակությամբ բացասական գործոններից: Վարկանիշում վերջին տեղը զբաղեցնում է Յեմենը: