Շվեդիան աշխարհում լավագույն երկիրն է տարեցների համար: Երկրորդ ու երրորդ տեղերը գրավել են Նորվեգիան և Գերմանիան: Նման եզրակացության է եկել Help Age International բարեգործական կազմակերպությունը իր Global Age Watch Index վարկանիշային աղյուսակում:
60 տարեկանից բարձր մարդկանց կենսամակարդակը գնահատելիս կազմակերպության մասնագետները ուշադրություն են դարձրել 13 չափանիշների, այդ թվում՝ բժշկական հաստատություններում դիմումների թվին, կենսապայմաններին, աշխատողների թվաքանակին և սոցիալական ակտիվությանը: Այս մասին տեղեկացնում է ITAR-TASS-ը:
Հաղորդվում է, որ վերլուծության է ենթարկվել Համաշխարհային բանկի ու Առողջապահության համաշխարհային կազմակերպության վիճակագրությունը 91 երկրի համար:
Վարկանիշային աղյուսակի վերին շեմերում են Նիդերլանդները, Կանադան, Շվեյցարիան, Նոր Զելանդիան, ԱՄՆ-ը, Իսլանդիան, Ճապոնիան, Ավստրիան, Իռլանդիան և Մեծ Բրիտանիան: Վերջին տեղերում են Պակիստանը, Տանզանիան ու Աֆղանստանը:
