«Ընդդեմ կանանց նկատմամբ բռնության» կոալիցիան այսօր հավաքվել էր կառավարության շենքի դիմաց՝ նամակ փոխանցելու ՀՀ վարչապետ Տիգրան Սարգսյանին: Նամակում կոչ է արվել կառավարությանը՝ ընդունել ընտանեկան բռնությունը կանխարգելող օրենք:
Ակցիայի համար ընտրվել է այս օրը, քանի որ 2010 թվականին՝ հենց հոկտեմբերի 1-ին, դաժան ծեծի հետևանքով զոհվեց 20-ամյա Զարուհի Պետրոսյանը: Դրանից հետո լայն թափով սկսեցին լուսաբանվել ընտանեկան բռնություննները Հայաստանում:
«Առաջին լրատվական»-ի հետ զրույցում կոալիցիայի անդամներից Մամիկոն Հովսեփյանն ասաց, որ իրենց նպատակն է՝ կանանց խնդիրները բարձրաձայնելով հասնել նրան, որ վերջապես ընդունվի կանանց նկատմամբ բռնությունների մասին օրենք, և այն քրեորեն պատժվի հենց այդ հոդվածով:
Նշենք, որ 2012-2013 թթ. եղել է ընտանեկան բռնության 8012 թեժ-գիծ ծառայության ահազանգ, իսկ անցյալ տարի ընտանեկան բռնության հետևանքով մահացել է 5 կին՝ առանց մայրական խնամքի թողնելով 12 մանկահասակ երեխայի: Այս տարի ընտանեկան բռնությունից մահացած կանանց թիվը 3-ն է, որի հետևանքով առանց մայրական խնամքի է մնացել 6 մանկահասակ երեխա:
Մանրամասները դիտեք տեսանյութում:
Լուսանկարը՝ PanARMENIAN Photo-ի
