Ինչպես հայտնի է, ՀՀ նախագահ Սերժ Սարգսյանը Ազգային ժողովի քննարկմանն է ներկայացրել Հայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մաuին առաջարկությունը: ԱԺ-ում շրջանառության մեջ է դրվել համաներման առաջարկությունը: ՀՀԿ խմբակցության քարտուղար Հովհաննես Սահակյանը «Առաջին լրատվական»-ին տեղեկացրեց, որ նախագիծը նախ պետք է քննարկվի ԱԺ պետաիրավական հարցերի մշտական հանձնաժողովում, ստանա ԱԺ դրական եզրակացությունը, այնուհետև նոր քննարկվի լիագումար նիստում: Մեր տեղեկություններով՝ հանձնաժողովը մտադիր է հենց այսօր քննարկել և դրական եզրակացություն տալ այդ նախագծին, իսկ
իշխանությունները մտադիր են այն ընդունել հենց այս քառօրյայում:
Հովհաննես Սահակյանը չհաստատեց այս տեղեկությունները՝ ասելով, թե ԱԺ նախագահ Հովիկ Աբրահամյանն է որոշում նախագծերի քննարկման հերթականությունը:
Ավելացնենք, որ նախագիծը թեև ԱԺ-ում է, սակայն այն պատգամավորներին դեռ չի հասել: Պատգամավորներին կբաժանեն պետաիրավական հանձնաժողվում քննարկելուց հետո: Նշենք, որ այդ հանձնաժողովում համաներման նախագծի քննարկումը լինելու է փակ-գաղտնի: Նախագծի բովանդակությանը պատգամավորների մեծ մասը դեռ ծանոթ չէ:
