Չնայած արդեն երկար ժամանակ է, ինչ արտահանումը ներմուծումից արագ է աճում, բայց նրանց միջև անդունդը մնում է բավական մեծ: Այս տարվա առաջին 8 ամիսներին` անցած տարվա նույն ժամանակի համեմատ արտահանումն ավելացել է 11 անգամ ավելի արագ, քան ներմուծումը: Այսպես` արտահանումն այդ ընթացքում ավելացել է 8.9 տոկոսով, ներմուծումը` 0.8 տոկոսով:
Սակայն չնայած այս աճի արագության տարբերությանն արտահանումը շարունակում է մոտ 3 անգամ հետ մնալ ներմուծումից: Ազգային վիճակագրական ծառայության տվյալով՝ այս տարվա հունվար-օգոստոսին Հայաստան է ներմուծվել 2 մլրդ 704.3 մլն դոլարի ապրանք, իսկ մեր երկրից արտահանվել է 952.2 մլն դոլարի ապրանք: Այսինքն` ավելի ճշգրիտ արտահանումը ներմուծումից հետ է 2.84 անգամ:
