ՄԱԿ-ի Անվտանգության խորհուրդը միաձայն որոշում է ընդունել Սիրիայի հարցով՝ աջակցելով քիմիական զենքի արգելման կազմակերպության ծրագրին՝ ուղղված սիրիական քիմիական զինանոցի ոչնչացմանը: Ինչպես հաղորդում է RIA Novosti-ն, այժմ և՛ Սիրիայի կառավարությունը, և՛ ընդդիմությունը պատասխանատու են փաստաթղթի կատարման համար:
ՄԱԿ-ի ԱԽ-ը հաստատելով բանաձևը՝ վճռել է, որ Սիրիայում հակամարտող կողմերից ոչ մեկը չի կարող մշակել, արտադրել կամ այլ ուղիներով ձեռք բերել կամ պահել քիմիական զենք, ինչպես նաև փոխանցել այն այլ կողմի:
Բանաձևում ասվում է, որ ՄԱԿ-ի անդամ բոլոր պետությունները պետք է զերծ մնան ոչ պետական այն սուբյեկտների աջակցությունից, որոնք փորձում են մշակել, ձեռք բերել, արտադրել, փոխադրել, փոխանցել, կիրառել միջուկային, քիմիական և կենսաբանական զենք:
Խորհուրդը խորը համոզմունք է հայտնել, որ այն անձինք, որոնք մեղավոր են Սիրիայում քիմիական զենքի կիրառման մեջ, պետք է պատասխանատվության ենթարկվեն:
