Հայտնաբերվել է իտալացի նկարիչ Տիցիանի նախկինում անհայտ կտավ, հաղորդում է The Guardian-ը: Կտավը ճանաչել է Վիեննայի համալսարանի արվեստի պատմաբան, պրոֆեսոր Արթուր Ռոզենաուերը:
Նկարում պատկերված է հարություն առած Հիսուս Քրիստոսը: Ձախ ձեռքում նա բռնել է խաչ, իսկ աջ ձեռքով՝ օրհնում է: Ռոզենաուերը նշել է, որ նկարը զարմանալիորեն լավ է պահպանվել: Գիտնականի ուշադրությունը գրավել է նաև կտավում պատկերված երկինքը:
Ռոզենաուերը կտավը թվագրում է մոտ 1511 թ.: The Guardian-ը չի հստակեցնում, թե պրոֆեսորն ինչ հիմքով է կտավը վերագրում Տիցիանին:
Ներկայում նկարը գտնվում է Եվրոպայում՝ մասնավոր հավաքածուի մեջ: Սեփականատիրոջ անունը չի բացահայտվում: Գիտնականի խոսքերով՝ կտավն ընդհուպ մինչև 1909 թ.պատկանել է ֆոն Բյուլերի ընտանիքին: Նկարի հաջորդ սեփականատերերն այն Երկրորդ աշխարհամարտից առաջ տեղափոխել են Հարավային Ամերիկա, և մինչև վերջին ժամանակներս այն պահվել է Ուրուգվայում:
