Պատմության մեջ առաջին Համաշխարհային մարդասիրական ֆորումը կանցկացվի 2016-ին՝ Ստամբուլում: ITAR-TASS-ի փոխանցմամբ՝ այս մասին հայտարարել է ՄԱԿ-ի գլխավոր քարտուղար Պան Գի Մունը:
«Ամեն ինչ զգուշորեն կշռադատելով՝ ես որոշեցի ընդունել Թուրքիայի առաջարկը՝ գագաթնաժողովը Ստամբուլում անցկացնելու մասին»,- ասել է նա:
Նրա խոսքերով՝ Համաշխարհային մարդասիրական ֆորումը չի լինի միակ միջոցառումը, այլ բազամյա գործընթացի մի մաս, որը կսկսվի հաջորդ տարի՝ խորհրդատվություններով: Այդ գործընթացում միջազգային հանրությունը կառաջնորդվի ՄԱԿ-ի Գլխավոր ասամբլեայի 46/83 բանաձևով, որը կոչ է անում բարելավել համագործակցությունը մարդասիրական ոլորտում:
